ໂອກາດດຽວກັນນີ້, ສະຫາຍ ສຸກຄໍາເພັດ ເຮືອງບຸດສີ ຍັງໄດ້ໃຫ້ກຽດມີຄໍາເຫັນໂອ້ລົມຕໍ່ພິທີ ໂດຍສະຫາຍໄດ້ສະແດງຄວາມຍ້ອງຍໍຊົມຕໍ່ສະຫາຍ ຫົວໜ້າກົມຄົ້ນຄວ້າຄໍາຮ້ອງ ແລະ ຄໍາສະເໜີ (ຜູ້ເກົ່າ) ທີ່ມີຜົນງານດີເດັ່ນໃນນໍາພາ-ຊີ້ນໍາ ເຄື່ອນໄຫວຈັດຕັ້ງປະຕິບັດວຽກງານຄົ້ນຄວ້າແກ້ໄຂຄໍາຮ້ອງ ແລະ ຄໍາສະເໜີ ຕາມພາລະບົດບາດ ແລະ ການມອບໝາຍຂອງຂັ້ນເທິງ, ທີ່ໄດ້ມີຜົນສໍາເລັດໃນຫຼາຍດ້ານ. ພ້ອມທັງເນັ້ນໜັກໃຫ້ສະຫາຍຫົວໜ້າກົມຜູ້ທີ່ຖືກແຕ່ງຕັ້ງໃໝ່ ໃຫ້ຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນທີ່ໄດ້ຮັບມອບໝາຍ ສົມທົບຄະນະກົມ ສືບຕໍ່ນໍາພາ-ຊີ້ນໍາ ເສີມຂະຫຍາຍບົດຮຽນດ້ານດີທີ່ຕັ້ງໜ້າໃນການຈັດຕັ້ງປະຕິບັດວຽກງານໃນໄລຍະຜ່ານມາ, ສຸມໃສ່ປັບປຸງແກ້ໄຂບາງດ້ານທີ່ຍັງຄົງຄ້າງ, ນໍາພາສຶກສາອົບຮົມການເມືອງແນວຄິດ ໃຫ້ສະມາຊິກພັກ, ພະນັກງານ-ລັດຖະກອນພາຍໃນກົມ, ນໍາພາເຕົ້າໂຮມຄວາມສາມັກຄີພາຍໃນກົມໃຫ້ແໜ້ນແຟ້ນ, ເປັນເຈົ້າການໃນການປະຕິບັດຂໍ້ແຂ່ງຂັນຮັກຊາດ ແລະ ພັດທະນາ, ເພີ່ມທະວີຊຸກຍູ້ການຍົກລະດັບຄວາມຮູ້ຄວາມສາມາດຂອງສະມາຊິກພັກ, ພະນັກງານ ຕິດພັນກັບການປະຕິບັດວຽກງານວິຊາສະເພາະ ກໍຄືວຽກງານປິ່ນອ້ອມໃຫ້ສໍາເລັດຕາມແຜນການທີ່ວາງໄວ້.