ໂອກາດນີ້ ສະຫາຍ ຕຸ້ຍ ອ່ອນດວງພະຈັນ, ເລຂາໜ່ວຍພັກ, ຮອງປະທານຄະນະກວດກາພັກ-ລັດແຂວງ ໄດ້ຜ່ານຮ່າງບົດສະຫຼຸບຫຍໍ້ການເຄື່ອນໄຫວຈັດຕັ້ງປະຕິບັດວຽກງານ ກວດກາປະຈໍາປີ 2023 ແລະ ທິດທາງແຜນການປີ 2024 ຊຶ່ງສະຫາຍໄດ້ຍົກໃຫ້ເຫັນຜົນງານການເຄື່ອນໄຫວໃນໄລຍະ 1 ປີຜ່ານມາ ຄະນະກວດກາພັກ, ອົງການກວດກາ ລັດ ແລະ ຕ້ານການສໍ້ລາດບັງຫຼວງ ໄດ້ຄົ້ນຄວ້າ ຮ່າງ ນິຕິກໍາ ແລະ ບົດແນະນໍາຕ່າງໆ ກ່ຽວກັບວຽກງານກວດກາຕາມຄວາມຮັບຜິດຊອບຂອງຂັ້ນຕົນ 5 ຫົວຂໍ້ຄື: 1. ພາລະບົດບາດຂອງຄະນະກວດກາພັກແຂວງ. 2. ພາລະບົດບາດຂອງອົງການກວດກາລັດ ແລະ ຕ້ານການສໍ້ລາດບັງຫຼວງແຂວງ. 3. ຄໍາແນະນໍາເພີ່ມເຕີມກ່ຽວກັບການກະກຽມ ແລະ ດຳເນີນຊີວິດການເມືອງທ້າຍສະໄໝກອງປະຊຸມໃຫຍ່ສາມຂັ້ນຂອງພັກ 4. ແຈ້ງການແນະກ່ຽວກັບການປັບປຸງກົງຈັກການຈັດຕັ້ງ ແລະ ພາລະບົດບາດຂອງຄະນະກວດກາພັກ,ອົງການກວດກາລັດຂັ້ນເມືອງ. 5. ຄໍາແນະນໍາກ່ຽວກັບການດໍາເນີນຊີວິດການເມືອງກາງສະໃໝຂອງຄະນະບໍລິຫານງານພັກແຂວງ. ໄດ້ເຜີຍແຜ່ເຊື່ອມຊຶມ ມະຕິ, ຄໍາສັ່ງ, ຂໍ້ກໍານົດ, ກົດລະບຽບພັກ, ກົດໝາຍ ແລະ ລະບຽບການຕ່າງໆຂອງລັດ ໂດຍສະເພາະແມ່ນນິຕິກໍາກ່ຽວພັນກັບ ວຽກງານກວດກາ ໃຫ້ກັບບັນດາຄະນະພັກ, ອົງການປົກຄອງແຕ່ລະຂັ້ນ ໄດ້ຢ່າງທົ່ວເຖິງ ເຮັດໃຫ້ພະນັກງານ, ສະມາຊິກພັກ, ທະຫານ-ຕໍາຫຼວດຮັບຮູ້ເຂົ້າໃຈຕໍ່ພາລະບົດບາດ, ໜ້າທີ່ຂອງວຽກງານກວດກາ, ຄ່ຽງຄູ່ກັນນີ້ ກໍໄດ້ເອົາໃຈໃສ່ຕິດຕາມ, ກວດກາການຄຸ້ມຄອງ-ບໍລິຫານລັດ ໂດຍຮູບການກວດກາປົກກະຕິ ຂອງອົງການປົກຄອງແຂວງ ແລະ 5 ເມືອງ ໃນນີ້ໄດ້ຕິດຕາມ, ກວດກາໂຄງການລົງທຶນຂອງລັດເລີ່ມແຕ່ຫົວທີ ໄດ້ທັງໝົດ 12 ໂຄງການ, ກວດກາຮ່ວມກັບອົງການກວດກາແຫ່ງລັດ 2 ໂຄງການ, ກວດກາຮ່ວມກັບກະຊວງແຜນການ ແລະ ການລົງທຶນ 1 ໂຄງການ ແລະ ໂຄງການທີ່ແຂວງ ກໍານົດໄດ້ 9 ໂຄງການ, ໄດ້ດໍາເນີນການສືບສວນ-ສອບສວນພະນັກງານ-ລັດຖະກອນ ທີ່ມີພຶດຕິກໍາສໍ້ລາດບັງຫຼັວງ ທົ່ວແຂວງມີ 1 ກໍລະນີມີຜູ້ກະທຳຜິດ 2 ຄົນ, ເຊິ່ງໄດ້ຄົ້ນຄວ້າແກ້ໄຂທາງດ້ານບໍລິຫານແລ້ວ ໂດຍການປະຕິບັດວິໄນຂັ້ນ 3; ໄດ້ຄົ້ນຄວ້າແກ້ໄຂຄໍາຮ້ອງ-ຄໍາສະເໜີ ທັງໝົດ 9 ສະບັບ ໄດ້ຮັບຄໍາຮ້ອງ ແລະ ຄໍາສະເໝີທີ່ເຂົ້າມາໃນປີ2023 ມີ5ສະບັບ ແລະ ຕົກຄ້າງມາຈາກປີ2022ມີ4ສະບັບ ລວມຄໍາຮ້ອງ ແລະ ຄໍາສະເໜີໃນປີ2023 ມີ 9 ສະບັບເຊິ່ງພົວພັນເຖິງການປະຕິບັດໜ້າທີ່ຂອງພະນັກງານລັດ ແລະ ຜູ້ປະກອບການ 29 ຄົນ, ໃນນັ້ນຂົງເຂດການເມືອງ 10 ຄົນ, ຂົງເຂດວັດທະນະທໍາ-ສັງຄົມ 6 ຄົນ, ຂົງເຂດເສດຖະກິດ 2 ຄົນ, ຂົງເຂດປ້ອງກັນຄວາມສະຫງົບ 6 ຄົນ, ຜູ້ປະກອບການ ແລະ ປະຊາຊົນ 5 ຄົນ; ໄດ້ຕິດຕາມການແກ້ໄຂຜົນຂອງການປະຕິບັດວິໄນຕໍ່ພະນັກງານລັດຖະກອນ 2 ເປົ້າໝາຍ, ຍິງ 1 ເປົ້າໝາຍ ປະຕິບັດວິໄນແລ້ວ 1 ເປົ້າໝາຍ ຮູບການວິໄນແມ່ນລືບຊື່ອອກຈາກລັດຖະກອນ ເຫດຜົນຍ້ອນປະລະໜ້າທີ່ ແລະ 1 ເປົ້າໝາຍ ຍັງຢູ່ໃນ ຂັ້ນຕອນການຄົ້ນຄວ້າປະຕິບັດວິໄນ. ນອກນີ້ ຜູ້ແທນກອງປະຊຸມຍັງໄດ້ ຜັດປ່ຽນກັນປະກອບຄໍາຄິດ-ຄໍາເຫັນໃສ່ຮ່າງບົດສະຫຼຸບ ຢ່າງກົງໄປ-ກົງມາ ດ້ວຍຄວາມຮັບຜິດຊອບສູງ ທັງນີ້ກໍເພື່ອພ້ອມກັນແກ້ໄຂບັນຫາທີ່ຍັງຄົງຄ້າງ ໃຫ້ບັນລຸ ຕາມຄາດໝາຍທີ່ວ່າງໄວ້. ພ້ອມດຽວກັນນີ້ ສະຫາຍ ນາງ ເພັດສະໄໝ ໂພໄຊຍະວົງ ຍັງໄດ້ເຜີຍແຜ່ຄໍາແນະນໍາ ກ່ຽວກັບການ ປັບປຸງການຈັດຕັ້ງຄະນະກວດກາພັກ-ອົງການກວດກາລັດ ແລະ ຕ້ານການສໍ້ລາດບັງຫຼວງແຕ່ລະຂັ້ນ.