ໃນກອງປະຊຸມ ສະຫາຍ ສົມດີ ແກ້ວດາລາວິນ ໄດ້ລາຍງານສະພາບການຈັດຕັ້ງ ແລະ ການເຄື່ອນໄຫວວຽກງານການກວດກາ ຕາມພາລະບົດບາດ, ສິດ, ໜ້າທີ່ຂອງຄະນະກວດກາພັກ-ລັດ ແຂວງວຽງຈັນ ໃນ 06 ເດືອນຕົ້ນປີ 2023 ເພື່ອເປັນການແລກປ່ຽນ ແລະ ຖອດຖອນບົດຮຽນ ທາງດ້ານວິຊາການນຳຄະນະຜູ້ແທນຂັ້ນສູງຂອງ ຄະນະກວດກາລັດຖະບານ ສສ ຫວຽດນາມ, ເຊິ່ງມີບາງເນື້ອໃນຄື: ສະພາບຈຸດພິເສດຂອງແຂວງວຽງຈັນ; ການຈັດຕັ້ງ ແລະ ການເຄື່ອນໄຫວວຽກງານຂອງຄະນະກວດກາພັກ-ລັດແຂວງ; ການເຄື່ອນໄຫວວຽກງານວິຊາສະເພາະກວດກາ ເປັນຕົ້ນວຽກງານຕິດຕາມກວດກາພັກແມ່ນໄດ້ຈັດຕັ້ງເຊື່ອມຊືມ ແລະ ປະຕິບັດຄຳແນະນຳຂອງ ຄະນະກວດກາສູນກາງພັກ ເລກທີ 74/ຄກສພ, ດໍາເນີນຊີວິດການເມືອງກາງສະໄໜ ຄະນະບໍລິຫານງານພັກແຂວງ ສະໄໜທີ VI ແລະ ມີຜົນສໍາເລັດເປັນຢ່າງດີ, ວຽກງານກວດກາລັດ ແລະ ຕິດຕາມຜົນຂອງການກວດກາ ໄລຍະຜ່ານມາແມ່ນໄດ້ສຸມໃສ່ຕິດຕາມ ກວດກາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ ແລະ ການປະຕິບັດສອງວາລະແຫ່ງຊາດຂອງແຂວງ, ຕິດຕາມ, ກວດກາການຈັດຕັ້ງປະຕິບັດ ລະບຽບກົດໝາຍ ແລະ ດຳເນີນການກວດກາບັນດາເປົ້າໝາຍຢ່າງເປັນປົກກະຕິ, ວຽກງານຄົ້ນຄວ້າ ແລະ ແກ້ໄຂຄຳຮ້ອງ-ຄໍາສະເໜີ ຄະນະກວດກາ ໄດ້ເປັນເຈົ້າການປະຕິບັດ ພາລະບົດບາດ, ສິດ, ໜ້າທີ່ ຂອງຕົນໃນການຄົ້ນຄ້ວາແກ້ໄຂຄຳຮ້ອງ-ຄໍາສະເໜີ ດ້ວຍການຕິດຕາມ ກວດກາ ເກັບກຳຂໍ້ມູນຫຼັກຖານຈາກຄວາມເປັນຈິງ, ວິເຄາະ ໄຈ້ແຍກ ຕາມເຫດຜົນຢ່າງພາວະວິໄສ ສອດຄ່ອງກັບລະບຽບກົດໝາຍຂອງລັດ, ວຽກງານຕ້ານ ແລະ ສອບສວນການສໍ້ລາດບັງຫຼວງ ແມ່ນໄດ້ເອົາໃຈໃສ່ໃນການຄື່ອນໄຫວຈັດຕັ້ງເຜີຍແຜ່ກົດໜາຍ ວ່າດ້ວຍການສະກັດກັ້ນ ແລະ ຕ້ານການສໍ້ລາດບັງຫຼວງ, ການແຈ້ງຊັບສິນ ພ້ອມນັ້ນ ກໍ່ໄດ້ເອົາໃຈໃສ່ໃນການເກັບກຳສະພາບຂໍ້ມູນຫາງສຽງຕ່າງໆທີ່ເກີດຂຶ້ນກັບຄະນະພັກ, ສະມາ

ຊິກພັກ, ພະນັກງານ-ລັດຖະກອນ ເພື່ອສະເໜີຄະນະພັກ, ຄະນະນຳຂອງແຂວງພິຈາລະນາແກ້ໄຂ.