ໃນພິທີ ທ່ານ ອ໋ອດສຸລິເດດ ໄຊສີທອນ ໄດ້ສະແດງຄວາມຍິນດີຕ້ອນຮັບຄະນະຜູ້ແທນຈາກ ສສ ຫວຽດນາມ ທີ່ໄດ້ມາເຄື່ອນໄຫວຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນລະຫວ່າງ ວັນທີ 25-28 ພຶດສະພາ 2026 ນີ້ ພ້ອມນີ້ ກໍ່ໄດ້ສະເໜີບັນດາຫົວຂໍ້ແລກປ່ຽນຕໍ່ຝ່າຍຫວຽດນາມເປັນຕົ້ນແມ່ນ ບົດຮຽນໃນການຄຸ້ມຄອງພັກ ແລະ ບໍລິຫານປະເທດຂອງພັກກອມມູນິດ ສສ ຫວຽດນາມ; ບົດຮຽນການຕິດຕາມ, ກວດກາ ຄວາມຮັບຜິດຊອບໃນການປະຕິບັດໜ້າທີ່ການເມືອງຂອງຄະນະ, ສະມາຊິກພັກ, ພະນັກງານນຳພາ - ຄຸ້ມຄອງ ( ພະນັກງານຂັ້ນສູນກາງ ແລະ ຂັ້ນທ້ອງຖິ່ນຄຸ້ມຄອງ ) ທີ່ມີພຶດຕິກຳລະເມີດລະບຽບ ແລະ ກົດໝາຍ; ບົດຮຽນການປົກປ້ອງພະນັກງານ-ລັດຖະກອນ, ເຈົ້າໜ້າທີ່ຜູ້ເຮັດວຽກງານກວດກາ ແລະ ຜູ້ເຂົ້າຮ່ວມເຮັດວຽກງານກວດກາ, ສະກັດກັ້ນ ແລະ ຕ້ານການສໍ້ລາດບັງຫຼວງ, ການພິຈາລະນາແກ້ໄຂຄຳຮ້ອງ- ຄຳສະເໜີຂອງພົນລະເມືອງ ກ່ຽວກັບກົງຈັກການຈັດຕັ້ງຂອງຄະນະກວດກາ ແລະ ຂອບເຂດສິດ, ພາລະບົດບາດຂອງອົງການກວດກາພັກ ແລະ ແຕ່ລະຂັ້ນ; ຮູບແບບ ແລະ ຂັ້ນຕອນດຳເນີນການກວດກາ ແລະ ການປະຕິບັດແຕ່ລະຮູບແບບ; ບົດຮຽນກ່ຽວກັບການດຳເນີນການກວດກາຕົວຈິງກັບເປົ້າໝາຍ; ການສະຫຼຸບຕີລາຄາ ຫຼື ການລາຍງານ ຜົນຂອງການກວດກາ;