ໃນເດືອນ ສິງຫາ 2025, ຄະນະກວດກາເມືອງແບງ ແຂວງອຸດົມໄຊ ໄດ້ລົງເຄື່ອນໄຫວຕິດຕາມ, ຊຸກຍູ້ ວຽກງານກວດກາປົກກະຕິ ຢູ່ບັນດາໜ່ວຍພັກຮາກຖານສໍານັກງານ-ອົງການອ້ອມຂ້າງເມືອງໄດ້ຈໍານວນ 11 ຮາກຖານພັກ ໃຫ້ກຽດນໍາພາ ໂດຍສະຫາຍ ທອງເພັດ ຈັນທະວົງ ກໍາມະການປະຈໍາພັກເມືອງ ປະທານ ຄະນະກວດກາພັກ-ລັດ ເມືອງ ພ້ອມດ້ວຍຄະນະທີມງານ, ມີບັນດາສະຫາຍເລຂາໜ່ວຍພັກແຕ່ລະຮາກຖານພັກ, ສະມາຊິພັກສົມບູນ ແລະ ສໍາຮອງເຂົ້າຮ່ວມຢ່າງພ້ອມພຽງ.

ການລົງເຄື່ອນໄຫວ, ຊຸກຍູ້ໃນຄັ້ງນີ້ ແມ່ນໄດ້ຮັບຟັງການລາຍງານສະພາບການເຄື່ອນໄຫວໂດຍຫຍໍ້ ກຽ່ວກັບການນໍາພາ-ຊີ້ນໍາ ໃນໄລຍະ 01 ເດືອນຜ່ານມາ ແລະ ທິດທາງແຜນການ ຈາກສະຫາຍເລຂາໜ່ວຍພັກຂອງແຕ່ລະຮາກຖານພັກ ເຊິ່ງໄດ້ຍົກໃຫ້ເຫັນດ້ານດີ-ດ້ານຕັ້ງໜ້າ ແລະ ດ້ານອ່ອນ-ຂໍ້ຄົງຄ້າງ ໃນໄລຍະຜ່ານມາ, ວິທີແກ້ໄຂໃນຕໍ່ໜ້າ. ພ້ອມນີ້ ຄະນະທີມງານຍັງໄດ້ເຜີຍແຜ່ເຊື່ອມຊືຶມເອກະສານທີ່ສໍາຄັນໃຫ້ແຕ່ລະບ່ອນເປັນຕົ້ນແມ່ນ ແຈ້ງການແນະນໍາ ເລກທີ 01 / ຄກພມ ລົງວັນທີ 08 ເມສາ 2025 ກ່ຽວກັບການດໍາເນີນຊິວິດພັກ ຂອງການຈັດຕັ້ງພັກ, ກົດໝາຍວ່າດ້ວຍການຕ້ານການສໍ້ລາດບັງຫຼວງ ສະບັບເລກທີ 52 / ສພຊ ລົງວັນທີ 28 ມີນາ 2024, ກົດໝາຍວ່າດ້ວຍ ການກວດກາລັດ ສະບັບເລກທີ 25 /ສພຊ ລົງວັນທີ 29 ທັນວາ 2022 ແລະ ດໍາລັດ 159 /ລບ ລົງວັນທີ 04 ມີຖຸນາ 2013 ວ່າດ້ວຍການແຈ້ງຊັບສິນ ຈາກນັ້ນຜູ້ແທນກອງປະຊຸມໄດ້ມີຄໍາຄິດເຫັນແລກປ່ຽນຢ່າງພາວະວິໄສ