ໃນກອງປະຊຸມຄັ້ງນີ້ ທ່ານ ເທບພະໄທ ພັນກ້າ ໄດ້ຂຶ້ນເຜີຍແຜ່ເອກະສານເປັນຕົ້ນ: ຄວາມຮູ້ພື້ນຖານກ່ຽວກັບວຽກງານກວດກາ, ສະກັດກັ້ນ, ຕ້ານການສໍ້ລາດບັງຫຼວງ, ມູນເຊື້ອປະຫວັດການກໍາເນີດຂອງອົງການກວດກາ, ການເຂົ້າເປັນພາຄີໃນສົນທິສັນຍາສະຫະປະຊາຊາດ ວ່າດ້ວຍການຕ້ານການສໍ້ລາດບັງຫຼວງສາກົນ ແລະ ເຂົ້າເປັນສະມາຊີກອາຊຽນແພັກ; ຈາກນັ້ນ ທ່ານ ພັນມະຫາ ສິລິພົນເດດ ຫົວໜ້າພະແນກສະກັດກັ້ນການສໍ້ລາດບັງຫຼວງ, ກົມຕ້ານ ແລະ ສອບສວນການສໍ້ລາດບັງຫຼວງ ຂຶ້ນເຜີຍແຜ່ຄວາມຮູ້ພື້ນຖານກ່ຽວກັບວຽກງານສືບສວນ-ສອບສວນການສໍ້ລາດບັງຫຼວງ, ການຟອກເງິນທີ່ຕິດພັນກັບການສໍ້ລາດບັງຫຼວງ ແລະ ແນະນຳການແຈ້ງຊັບສິນ ຂອງພະນັກງານ ໃຫ້ຜູ້ເຂົ້າຮ່ວມກອງປະຊຸມ ເພື່ອເຮັດໃຫ້ຜູ້ເຂົ້າຮ່ວມທີ່ເຮັດວຽກງານກວດກາ ຮັບຮູ້, ເຂົ້າໃຈຢ່າງເລິກເຊິ່ງ, ກໍາເເໜ້ນບັນດາເນື້ອໃນຈິດໃຈ ເອກະສານສໍາຄັນດັ່ງກ່າວ ເພື່ອພ້ອມກັນນໍາໄປຜັນຂະຫຍາຍ ແລະ ຈັດຕັ້ງປະຕິບັດໃນຂົງເຂດວຽກງານຂອງຕົນ ໃຫ້ມີປະສິດທິພາບ ແລະ ປະສິດທິຜົນສູງຂຶ້ນເລື້ອຍໆ;

ຕອນທ້າຍກອງປະຊຸມ ຄະນະປະທານໄດ້ຜັດປ່ຽນກັນມີຄໍາເຫັນ ແລະ ເນັ້ນໃຫ້ຜູ້ເຂົ້າຮ່ວມຈົ່ງນໍາເອົາເນື້ອໃນດັ່ງກ່າວໄປຈັດຕັ້ງຜັນຂະຫຍາຍໃນຂົງເຂດຂອງຕົນໃຫ້ມີຄວາມຖືກຕ້ອງ ເປັນເອກະພາບກັນ ແລະ ໃຫ້ມີປະສິດທິຜົນສູງ.